अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । ऊर्जा तथा सिँचाइमन्त्री टोप बहादुर रायमाझीलाई शनिबार गृहजिल्ला अर्घाखाँची जिल्लामा कार्यकर्ता र शुभेच्छुकद्वारा स्वागत गरिएको छ ।
पछिल्लोपटक मन्त्री बनेपछि पहिलो पटक गृहजिल्ला आएका मन्त्री रायमाझीलाई विभिन्न स्थानमा भव्य स्वागत गरिएको हो । मन्त्री रायमाझीलाई अर्घाखाँची प्रवेशद्वार पत्थरकोटमा स्वागत गरिएको थियो ।
सोही क्रममा मन्त्री रायमाझी समक्ष यस क्षेत्रको विकास निर्माणबारे पहल गर्न कार्यकर्ता र शुभेच्छुकले माग गरेका थिए।
पौष १८ गते, २०७७ मा प्रकाशित
