अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाकाे सदरमुकाम सन्धिखर्कमा ओली पक्षको नेपाल कम्युनिष्ट पार्टी (नेकपा) सन्धिखर्क नगर कमिटीले विस्तारित बैठक तथा अगुवा कार्यकर्ता प्रशिक्षण कार्यक्रम आयोजना गरेको छ ।
सन्धिखर्कको संगम फुड ल्याण्ड होटेलमा ओली पक्षको नेकपा सन्धिखर्क नगर कमिटीले भाेली पुस २० गते सोमबार विस्तारित बैठक तथा अगुवा कार्यकर्ता प्रशिक्षण कार्यक्रम आयोजना गरेको छ ।
यस्तै प्रशिक्षण कार्यक्रम उर्जामन्त्री मन्त्री टोपबहादुर राजामाझीको प्रमुख आतिथ्यता तथा चन्द्रबहादुर खड्का , चेतनारायण अाचार्य ,रामजी प्रसाद घिमिरे लगायतका नेताहरुको उपस्थिती रहनेछ ।
प्रशिक्षण कार्यक्रममा १२ वटै वार्ड कमिटी सबै टोल कमिटीका सम्पूर्ण पदाधिकारी तथा सदस्यहरु तथा पार्टी संगठित सदस्यहरुलाई अनिवार्य उपस्थितिकोलागी अनुरोध गरिएको छ ।
प्रचण्ड–नेपाल खेमाको अबरोध
उता प्रचण्ड–नेपाल खेमाले भोली हुने बैठक तथा अगुवा कार्यकर्ता प्रशिक्षण कार्यक्रम आधिकारीक नभएको बताएको छ । साथै कसैलाई पनि त्यो बेलामा नजान अनुरोध गरेको छ ।
पौष १९ गते, २०७७ मा प्रकाशित
