आज सन्धिखर्कमा ४, भूमिकास्थानमा १ नयाँ संक्रमित थपिए, अर्घाखाँचीमा कोरोना संक्रमितको संख्या ७८२ पुग्यो (सम्पूर्ण विवरण सहित)

सन्धिखर्क, अर्घाखाँची  (अर्घाखाँचीडट्कम) । अर्घाखाँची जिल्लाको सन्धिखर्कमा ४ जना, भूमिकास्थान १ जना नयाँ संक्रमित थपिएका छन् ।   

योसँगै जिल्लामा आजसम्म संक्रमितको संख्या ७८२ जना पुगेको छ । जसमा सन्धिखर्क नगरपालिकामा ३७१ जना, शितगंगा नगरपालिकामा १०६,     भूमिकास्थान नगरपालिकामा १३४,   मालारानीमा ८५,     पाणिनी गाउँपालिकामा ३३   र छत्रदेव गाउँपालिकामा ५३  जना संक्रमित रहेका छन् ।   

यस्तै जिल्लाको सन्धिखर्कमा ४ जना, भूमिकास्थान १ जना, मालारानीमा १ जना, पाणिनीमा १ जनाले कोरोना जितेका छन् । योसँगै जिल्लाबाट आजसम्म  ७४४  जनाले कोरोना जितेर घर फर्केका छन् ।  जसमा सन्धिखर्क नगरपालिकामा ३५८    जना, शितगंगा नगरपालिकामा १०४,      भूमिकास्थान नगरपालिकामा १२८,   मालारानीमा ८२,   पाणिनी गाउँपालिकामा ३१   र छत्रदेव गाउँपालिकामा ४१   जनाले कोरोनालाई जितेका हुन् ।

जिल्लामा  कोरोनाका कारण १३ जनाको निधन भएको छ ।

 

मंगलवारसम्म जिल्लाका बिभिन्न स्थानका आईसोलेशनमा २५  जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।