अर्घाखाँचीडट्कम संवाददाता
खनदह, अर्घाखाँची (अर्घाखाँचीडट्कम) । अर्घाखाँची जिल्लाको मालारानी गाउँपालिकाले निमोनिया रोगका कारण गम्भिर स्वास्थ्य भई काठमाडौंमा उपचार गराइरहेका पत्रकार नविन के.सीको लागि २ लाख रुपैया सहयोग गर्ने भएको छ ।
मालारानी गाउँ कार्यपालिकाको सोमबार बसेको बैठकले निमोनिया रोगका कारण गम्भिर स्वास्थ्य भई काठमाडौंमा उपचार गराइरहेका पत्रकार नविन के.सीको उपचारको लागि २ लाख रुपैया सहयोग गर्ने भएको हो ।
निमोनिया रोगका कारण गम्भिर स्वास्थ्य भएका के.सीको लुम्बिनी प्रादेशिक अस्पतालमा कुनै सुधार नभएपछि गत शुक्रबार काठमाडौंको हेम्स अस्पतालमा लगिएको थियो । के.सीलाई भ्यान्टिलेटरमा राखेर उपचार गरिएको थियो । अहिले स्वास्थ्य सुधार भएसँगै आईसियुमा राखेर उपचार भईरहेको छ ।
पत्रकार नविन के.सी रेडियो मालारानीका स्टेशन म्यानेजर हुन् । जिल्लामा के.सीले पत्रकारिताको क्षेत्रमा ठुलो योगदान गरेका छन् ।
माघ १२ गते, २०७७ मा प्रकाशित
