बिनोद श्रेष्ठ
पाली, अर्घाखाँची (अर्घाखाँचीडट्कम) । अर्घाखाँची जिल्लाको पाणिनी गाउँपालिका वार्ड नम्बर ८ पालीको श्री कमला माध्यमिक बिधालयमा भवन निर्माण तथा आईसिटी ल्याब स्थापना सम्बन्धी अन्तरक्रिया कार्यक्रम सम्पन्न भएको छ ।
पाली स्थित श्री कमला माध्यमिक बिधालयमा पशुपति रोटरी क्लव काठमाण्डौको सहयोगमा निर्माण गरिने भवन तथा आईसिटी ल्याब स्थापना सम्बन्धी अन्तरक्रिया कार्यक्रम शुक्रबार सम्पन्न भएको हो ।
अन्तरक्रिया कार्यक्रममा क्लवको तर्फबाट अध्यक्ष शालिकराम अधिकारी र विद्यालयको तर्फबाट प्रअ गोविन्दराज पन्थीले सम्झौता पत्रमा हस्ताक्षर गर्नु भएको थियो।
कार्यक्रममा वार्ड अध्यक्ष मिनराज आत्रेय, पशुपति रोटरी क्लब र अर्घाखाँची रोटरी क्लबका पदाधिकारी तथा विद्यालय परिवारको उपस्थिति रहेको थियो ।
माघ ३० गते, २०७७ मा प्रकाशित
