केशबराज ज्ञवाली
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सदरमुकाम सन्धिखर्कमा भोली फागुन ३ गते नेपाली कांग्रेस अर्घाखाँचीले विशाल र्याली सहित बिरोधसभा गर्ने भएको छ ।
भोली फागुन ३ गते नेपाली काङ्ग्रेस अर्घाखाँचीले सन्धिखर्कमा विशाल र्याली सहित बिरोधसभा गर्ने जानकारी गराएको छ ।
संसद विघटन र सरकारका असंवैधानिक कदमहरुका बिरुद्द दोस्रो चरणको बिरोध कार्यक्रम अन्तरगत देश ब्यापी आन्दोलन बिरोध सभा गर्ने काङ्ग्रेस नेताहरुले जनाए । यसैक्रममा अर्घाखाँचीमा पनि भोली बिरोध कार्यक्रम गर्ने जनाइएको हो ।
नेपाली काङ्ग्रेस जिल्ला कार्यसमिती अर्घाखाँचीको आयोजनामा सन्धिखर्कमा हुने बिरोधसभालाइ काङ्ग्रेस नेतृ पुष्पा भुसाल , रेवती प्रसाद भुसाल लगायतका नेताहरुले सम्बोधन गर्ने काङ्ग्रेसका अर्घाखाँची जिल्ला सभापती बिष्णु प्रसाद मुस्कानले अर्घाखाँचीडट्कमलाई बताए । उनले प्रतिगमन तर्फ जान बाट देशलाइ बचाउन सबै न्यायप्रेमी जनताहरुलाई बिहान ११ बजे बि. पी. स्मृती भवन सन्धिखर्कमा उपस्थित भएर र्याली र सभामा सहभागी हुन अपिल समेत गरेका छन् ।
नेता मुस्कानका अनुसार भोलि हुने कार्यक्रमको सम्पुर्ण तयारी पूरा भैसकेको छ ।
फाल्गुन २ गते, २०७७ मा प्रकाशित
