गणेश बेल्बासे संगम
सिद्धारा, अर्घाखाँची (अर्घाखाँचीडट्कम) । अर्घाखाँची जिल्ला शितगंगा नगरपालिका वार्ड नं. ११ सिद्धाराको वार्ड कार्यालय भवनको शिलान्यास कार्यक्रम सम्पन्न भएको छ ।
शितगंगा नगरपालिका वार्ड नम्बर ११ काे निर्माण गरिने कार्यालय भवनकाे शिलान्यास शितगंगा नगर प्रमुख सुर्य प्रसाद अधिकारीले गर्नुभएकाे हाे ।
शितगंगा नगर प्रमुख सुर्य प्रसाद अधिकारीले आज मंगलबार भवन शिलन्यास गर्दै आफूहरू योजनाबद्ध र दिगो विकासका योजनासहित अगाडि बढिरहेको बताउनुभयो । नगरको आन्तरिक स्रोत र साधनकाे अभावमा साेचे अनुसारकाे विकास गर्न नसकेपनि चरणबद्ध विकास निर्माण भइरहेको उहाँले जानकारी दिनुभयो ।
नगरपालिकाको विकासमा साथ सहयोग गरेकाेमा वडाबासीप्रति आजभार व्यक्त गर्नु भयो । साथै उहाँले कार्यालय भवन निर्माण गर्न जग्गादान गर्ने दातालाइ सम्मान व्यक्त गर्नुभयाे ।
कार्यक्रममा वडा अध्यक्ष कपिल आले, वडा सदस्य इन्द्र बहादुर पल्ली, वडा सदस्य गणेश पुलामी, स्थानिय समाजसेवी, बुद्धिजिवीहरूकाे उपस्थिती रहेकाे थियाे ।
फाल्गुन ४ गते, २०७७ मा प्रकाशित
