अर्घाखाँचीडट्कम संवाददाता
डिभर्ना, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिकाकाे वार्ड नम्बर ११ डिभर्नाको कालिखैर्रेमा लागेको आगलागी नियन्त्रणमा आएको छ ।
डिभर्नाको कालिखैर्रे सामुदायिक वनमा हिजो शनिबार दिउसो आगलागी भएको थियो ।
स्थानिय युवराज आचार्यले अर्घाखाँचीडट्कमलाई जानकारी गराए अनुसार हिजो शनिबार दिउसो १ बजेदेखि कोटकटेरीको खरबारी र वाङ्ला डिभर्नाको खानेपानी मुल नजिको वनमा लागेको आगो आज बिहान नियन्त्रणमा आएको थियो ।
स्थानिय जनसमुदाय मिलेर त्यहाँ बरिपरिका घरहरुलाई जोगाएका थिए र जंगलमा लागेको आगो स्थानियबासी जुटेर निभएका थिए ।
साथै आगलागीबाट कुनै क्षति भएको छैन् ।
फाल्गुन ९ गते, २०७७ मा प्रकाशित
