प्रेमनारायण आचार्य
वाङ्ला, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क ५ वाङ्लामा ज्येष्ठ नागरिकलाई न्यानो कपडा वितरण गरिएको छ । वडा भित्र रहेका बृद्धबृद्धाहरुलाई न्यानो कपडा बितरण गरिएको हो ।
न्यानो कपडा बितरण गर्दै सन्धिखर्क नगरपालिकाका नगर उप प्रमुख ठाकुर कुमार विकले ज्येष्ठ नागरिकहरु समाजको पथ प्रदर्शक भएको बताउनु भयो । उहाँले ज्येष्ठ नागरिककको सम्मान सबैले गर्नु पर्ने बताउनु भएको छ ।
वडा अध्यक्ष राजेन्द्र भुसालको अध्यक्षतामा सम्पन्न भएको कार्यक्रममा कार्यपालिका सदस्य पदमा भुसाल, वडा सदस्य सावित्रा बिक, पत्रकार महासंघका प्रदेश सदस्य प्रेमनारायण आचार्य लगायतले मन्तब्य राख्नु भएको थियो ।
फाल्गुन १० गते, २०७७ मा प्रकाशित
