अर्घाखाँचीडट्कम संवाददाता
चुत्राबेसी, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिकाकाे वार्ड नम्बर २ चुत्राबेसीको वेलवाटीकामा रहेको अर्घाखाँची आवासीय माध्यमिक विद्यालय सन्धिखर्कमा कक्षा १२ का विद्यार्थीहरूद्वारा कक्षा ११ का विद्यार्थीहरूको स्वागतार्थ आयोजना गरिएको कार्यक्रम सम्पन्न भएको छ ।
विश्वव्यापी कोरोना महामारीका कारण ढिला आयोजना गरिएको कार्यक्रममा विद्यालयका प्राचार्य श्रीकृष्ण भुसालको प्रमुख आतिथ्यता, कोअर्डिनेटर युवराज भुसाल लगायतका शिक्षक कर्मचारीहरूको आतिथ्यतामा कक्षा १२ का छात्रा अस्मिता भुसालद्वारा सन्चालन गरिएको थियो ।
राष्ट्रिय गानबाट शुरू भएको उक्त कार्यक्रममा कक्षा १२ का छात्रा शारदा खड्काले स्वागत गर्नुभएको थियो भने कक्षा ११ का छात्र मदन घिमिरेले धन्यवाद ज्ञापन गर्नुभएको थियो ।
कक्षा १२ का छात्र सुदन चौहानको सभापतित्वमा संचालित उक्त कार्यक्रममा विद्यार्थीहरूबाट गीत, नृत्य प्रस्तुत गरेका थिए ।
फाल्गुन ११ गते, २०७७ मा प्रकाशित
