अर्घाखाँचीडट्कम संवाददाता
जुकेना, अर्घाखाँची (अर्घाखाँचीडट्कम) । अर्घाखाँची जिल्लाको शितगंगा नगरपालिका वार्ड नम्बर ७ जलुकेमा प्रचण्ड-नेपाल समूह नेकपाको अगुवा कार्यकर्ता भेला सम्पन्न भएको छ ।
जलुकेमा बिहीवार प्रचण्ड-नेपाल समूह नेकपाको अगुवा कार्यकर्ता भेला सम्पन्न भएको हो ।
कार्यक्रममा नेकपा नेता पिताम्बर सारु, जिल्ला कमिटी सदस्य बिस्नु गैरे (विवेक), मनिराम अधिकारी, रुकेश आले, बिष्णु परियार (गोकुल), नगर कमिटी सदस्य भुपाल सारु, नारायण बेल्बासे, सांस्कृतिक मञ्च सदस्य ढुन बहादुर गाहा, युवा संघ नेपाक जिल्ला कमिटी सदस्य अर्जुन बुढा मगर, युवा संघ केन्द्रिय सदस्य भुमिकास्थान नगर सह इन्चार्ज ठाकुर सौराग (आदर्श), जिल्ला सदस्य विशाल खडकाको उपस्थिति रहेको थियो ।
युवा संघ नेपाल नगर कमिटीका सह-इन्चाज सुर्य सारुको स्वागत मन्तव्यबाट सुरु भएको कार्यक्रमको सन्चालन बिक्रम आचार्यले गर्नु भएको थियो ।
फाल्गुन १३ गते, २०७७ मा प्रकाशित
