अराज बेल्बासे
अमराई, अर्घाखाँची (अर्घाखाँचीडट्कम) । अर्घाखाँची जिल्लाको शितगंगा नगरपालिकाको ठाडा स्थित अमराईमा भाेलीबाट साप्ताहिक हाट बजार हुने भएकाे छ ।
शितगंगा उद्योग बाणिज्य संघकाे आयाेजना तथा शितगंगा नगरपालिकाकाे सहयाेगमा साप्ताहिक बजारसँगै बिबिध सास्कृतिक कार्यक्रमका साथ हाट बजारकाे उद्धघाटन गर्ने हाट बजार ब्यवस्थापन समितिका संयाेजक डिल बहादुर गुरुङले जानकारी दिनु भयाे ।
भाेली सनिबार राष्ट्रिय तथा स्थानिय कलाकारहरुले समेत प्रस्तुति रहने छ । शितगंगा नगरपालिका भित्रका पसलहरु हरेक हप्ताकाे शनिबार बन्द हुँदै आएकाेमा अब शनिबार हाटबजार सञ्चालन गर्ने र मंगलवार बजार बन्द गर्ने निर्णय भएकाे छ ।
त्यसै अनुसार भाेली हाटबजार उद्धघाटन गर्न लागिएकाे हाे । शनिबार बन्दै हुँदै आएकाे बजार बन्द यथावत राख्न भन्दै अमराइका अधिकांस ब्यापारीले उद्याेग बाणिज्य संघमा निबेदन दर्ता गराएका छन् । उनिहरुले हस्ताक्षरीत निबेदन सहित साप्ताहिक बजार बन्द शनिबार र अन्य बार हाट बजार सञ्चालन गर्न भनी निबेदन दर्ता भएकाे छ । दर्ता भएकाे निबेदन माथी बुधबार छलफल गरि निर्णय गरिने शितगंगा उद्योग बाणिज्य संघका अध्यक्ष चिन्ता राज अधिकारीले जानकारी दिनु भयाे ।
सास्कृतिक कार्यक्रममा भाेली लाेक तथा दाेहाेरी गायिका इन्दिरा गैरे, मञ्जु भट्टराई लाेक तथा हाेहाेरी गायक दिनेश पाण्डे, पुष्कर सारु, भुवन अधिकारी, राजन अधिकारी शिबजि डान्स ग्रुप तथा प्रथम शितगंगा डान्स आइडल प्रथम ४ काे प्रस्तुती रहने छ ।
फाल्गुन १४ गते, २०७७ मा प्रकाशित
