अर्घाखाँचीडट्कम संवाददाता
पाकु, अर्घाखाँची (अर्घाखाँचीडट्कम) । अर्घाखाँची जिल्लाको भूमिकास्थान नगरपालिका वार्ड नम्बर १० धनचौरको पाकुमा रहेको श्री सरस्वती आधारभूत विद्यालयको ६० औ वार्षिक उत्सव एवं अभिभावक भेला विविध सांस्कृतिक कार्यक्रम, अतिरिक्त कार्यकलाप तथा पुरस्कार वितरण गरी सम्पन्न भएको छ ।
कार्यक्रममा प्रमुख अतिथि वार्ड अध्यक्ष खगेश्वर पन्थी, विशिष्ट अतिथि ज. जा. मा. वि. शिक्षक अनन्त गौतम लगायतले मन्तव्य राख्नुभएको कार्यक्रममा विद्यालयका प्रधानाध्यापक भोजन गुरुङले विद्यालयको शैक्षिक तथा आर्थिक प्रतिवेदन प्रस्तुत गर्नु भएको थियो ।
विद्यालय व्यवस्थापन समितिका अध्यक्ष ईश्वरी प्रसाद मरासेनीको अध्यक्षतामा सम्पन्न कार्यक्रममा स्वागत मन्तव्य विद्यालयका शिक्षक दुर्गा भट्टराईले राख्नुभएको थियो भने कार्यक्रमको सञ्चालन प्रेम भट्टराईले गर्नु भएको थियो ।
फाल्गुन १८ गते, २०७७ मा प्रकाशित
