सिद्धारामा जेष्ठ नागरिक सम्मानित

सिद्धारा, अर्घाखाँची (अर्घाखाँचीडट्कम) । अर्घाखाँचीको शितगंगा नगरपालिका वार्ड  नं. ११ सिद्धाराका जेष्ठ नागरिक सम्मानित भएका छन् । वडा भित्र रहेका जेष्ठ नागरिकहरुलाई आज आईतबार एक कार्यक्रमको आयोजना गरि वडा कार्यालयले सम्मान गरेको हो ।

८० वर्ष उमेर पुगेका १३ जना जेष्ठ नागरिकहरुलाई बल्याङकेट वितरण गरिएको वडा अध्यक्ष कपिल आलेले बताउनु भयो । जेष्ठ नागरिकको स्वास्थ्यमा ध्यान दिदैँ १/१ थान बल्याङकेट वितरण गरिएको आलेले जानकारी दिनु भयो । सम्मान कार्यक्रममा बोल्दै अध्यक्ष आलेले जेष्ठ नागरिकहरुका लागी आगामी वर्ष पनी विशेष कार्यक्रम संचालन गर्ने बताउनु भयो । ज्येष्ठ नागरिकहरुलाई सम्मान कदर गर्न र उनीहरुको मनोबल उच्च राख्न सम्मान गरिएको वडा अध्यक्ष आलेले बताउनु भयो ।

कार्यक्रममा वडा सदस्यहरु, स्थानिय समाजसेवी तथा बुद्धीजिवी लगाएतको उपस्थीती रहेको थियो ।