अर्घाखाँचीडट्कम संवाददाता
सिमलपानी, अर्घाखाँची (अर्घाखाँचीडट्कम) । अर्घाखाँची जिल्लाको शितगंगा नगरपालिका वार्ड नम्बर १४ सिमलपानीको बिक्रमसोता पावरमा जीउँदो तौल प्रणाली मार्फत खसी बोकाहरु बिक्री कार्यक्रम सम्पन्न भएको छ ।
सिमलपानीको बिक्रमसोता पावरमा गंगाजल कृषि तथा पशु विकास महिला सहकारी संस्था लिमिटेडको आयोजनामा जीउँदो तौल प्रणाली मार्फत खसी बोकाहरु बिक्री कार्यक्रम सम्पन्न भएको हो ।
सो अवसरमा जीउँदो तौल प्रणाली मार्फत ५४ वटा खसी बोकाहरु १६३० के.जि.रु ७४७११०/- मा खरिद गरि ७६३४१०/- मा बिक्रि गरिएको थियो । साथै ५२ वटा बिउ पाठी १०९६ के .जि. रु.३८३६००/-मा खरिद गरि ३९४५६०/- मा बिक्रि गरिएको थियो ।
कार्यक्रममा वडाअध्यक्ष दामाेदर न्याैपाने लगायत वार्ड प्रतिनिधिहरु, शितगंगा पशु शाखाबाट गणेश बहादुर थापा, मेस्डो कपिलवस्तुका दिपक खनाल, नर्मदा चुदाली लगायतको उपस्थिति रहेको थियो ।
फाल्गुन २६ गते, २०७७ मा प्रकाशित
