अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लामा हालसम्म १ लाख ५२ हजार २४ मतदाता रहेका छन् ।
महिला ७७ हजार ४ सय ३४ तथा पुरुष ७४ हजार ५ सय ९० गरेर कुल मतदाता संख्या १ लाख ५२ हजार २४ मतदाता रहेको निर्वाचन आयोगको तथ्याङ्कमा उल्लेख छ ।
यस्तै अर्घाखाँचीमा ९३ मतदाता स्थल संख्या रहेको पनी निर्वाचन आयोगले जनाएको छ । आयोगले गएको माघ १५ गतेदेखि मतदाता अद्यावधिक कार्यक्रम सञ्चालन गरेको थियो । त्यस्तै आयोगले मतदानस्थल तथा मतदान केन्द्रको पनि पुनरावलोकन गरेको छ ।
साथै अयोगले गएको पुस ६ गतेदेखि स्थगित भएको मतदाता नामावली सङ्कलन तथा अद्यावधिक गर्ने काम फेरि शुरु गर्ने भएको छ ।
चैत्र ४ गते, २०७७ मा प्रकाशित
