केशब राज ज्ञवाली
चुत्राबेसी, अर्घाखाँची (अर्घाखाँची डट्कम) । अर्घाखाँची जिल्लाको सन्धिखर्क नगरपालिका वार्ड नम्बर २ चुत्राबेसीको जनज्योति उच्च मावि नजिकै सडकमा डबल क्याप जीप दुर्घटना भएको छ । दुर्घटना परि चालक सहित ७ जना घाईते भएका छन् ।
अर्घा सक्रेटीबाट सन्धिखर्क तर्फ आउदै गरेको लु १ ज ४५३८ नम्बरको जीप जनज्योति स्कुल नजिकै अनियंत्रित भई करिब ३० मिटर तल खसेको छ।
घाइते हुनेमा घाईतेको सबै अर्घा छन् । जसमा २८ वर्षीय सुरज खनाल, उनकी २३ वर्षीया श्रीमती रिता खनाल, छोरा ४ वर्षीय सुपृम खनाल, सोही ठाउँका ३३ वर्षीय सावित्री खनाल, १८ वर्षीय विजय खत्री, जीप चालक ४२ वर्षीय ठक बहादुर खत्री र ६६ वर्षीया सीता खत्री घाइते भएका छन्।
घाइते मध्ये चालक ठक बहादुर खत्री र ६६ बर्षिय सीता खत्री गम्भीर घाइते भएका छन्। उनिहरू सबैको अहिले जिल्ला अस्पताल सन्धिखर्कमा ल्याइएको छ।
दुर्घटना भएको जानकारी पाउने बित्तिकै स्थानीयबासी, नेपाल प्रहरी, नेपाली सेना घटनास्थलमा पुगेर घाइतेहरूको उद्दार गरि जिल्ला अस्पताल सन्धिखर्क पठाइएको थियो
सडकबाट पल्टिएको जीप भिरमा रूखमा अड्किएर ठूलो क्षति हुनबाट जोगिएको जिल्ला प्रहरी कार्यालयका सूचना अधिकारी तथा प्रहरी निरीक्षक रामनारायण गुप्ताले जानकारी दिए।
चैत्र ८ गते, २०७७ मा प्रकाशित
