केशब राज ज्ञवाली
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्कमा दोस्रो अन्तर नगरपालिका स्तरिय उपमेयर कप क्रिकेट प्रतियोगिता सुरु भएको छ ।
सन्धिखर्क नगरपालिकाको आयोजना र ब्लु स्काई युथ क्लबको ब्यबस्थापनमा गरिने उक्त प्रतियोगिताको सन्धिखर्क स्थित टुंडिखेलमा आज भब्य कार्यक्रमका बिच नगर प्रमुख कमल प्रसाद भुसालले ब्याटिङ र उप प्रमुख ठाकुर बि . क . ले खेलको उद्घाटन गरेका हुन ।
उद्घाटन समरोहको सभापतित्व सन्धिखर्क नगरपालिकाका उप प्रमुख ठाकुर बिक प्रमुख अथितीमा नगर प्रमुख कमल प्रसाद भुसाल , विशिष्ट सन्धिखर्क नगरपालिका प्रमुख प्रशासकीय अधिकृत कृष्ण प्रसाद सापकोटा , प्रहरी नायब निरिक्षक माधब बुढाथोकि , अनुसन्धान अधिकृत बिनय चतुर्बेदि , सहायक प्रजिअ बिनोद खनाल , १२ वटै वार्डका वार्ड अध्यक्ष तथा प्रतिनिधिहरु लगायतको उपस्थिती थियो ।
खेलमा सन्धिखर्क नगरपालिकाका १२ वटै वार्डका १२ वटा समुहहरुको सहभागिता रहने छ । प्रतियोगिताको पहिलो खेल वार्ड एघारले टस जितेर ब्याटिङ र वार्ड एकले बलिंग गरेर सुरु भएको छ ।
चैत्र १० गते, २०७७ मा प्रकाशित
