अर्घाखाँचीडट्कम संवाददाता
चुत्राबेसी, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ८ किमडाँडा निवासी चुत्राबेसीमा रहेको श्री जनज्योति माध्यमिक विद्यालयका पुर्व प्राध्यापक धर्मराज बन्जाडेको ७१ बर्षको उमेरमा निधन भएको छ ।
किमडाँडा जन्म भई हाल सन्धिखर्क १० घोचेखोला निवासी चुत्रबेसीमा रहेका श्री जनज्योति माध्यमिक विद्यालयका पुर्व प्राध्यापक धर्मराज बन्जाडेको बुधवार दिउँसो ३ बजेतिर मेडिकल कलेज चितबनमा उपचारको क्रममा निधन भएको हो ।
बन्जाडे नेपाली कांग्रेसका नेता, प्रजातान्त्रीक बिचार समाजका जिल्ला अध्यक्ष, बिधालय ब्यबस्थापन समितिका निबर्तमान अध्यक्ष ,निवृत्त राष्ट्रसेबक समाज नेपाल अर्घाखॉचीका सल्लाहकार सदस्य पनि हुनुहुन्थ्यो ।
स्व.बन्जाडेको बिहीवार विहान रिडी घाटमा अन्तिम दाह सस्कार गरिएको छ । रिडी घाटमा उहाँको पार्थिब शरिरमा नेपाली कांग्रेसका जिल्ला सभापति विष्णु प्रसाद खनाल (मुस्कान) ले कांग्रेसको झण्डा ओढाएर अन्तिम श्रद्धाञ्जली अर्पण गर्नु भएको छ ।
श्रद्धाञ्जली कार्यक्रममा नेपाली कांग्रेसका जिल्ला उपसभापति शान्ता भण्डारी, महासमिति सदस्य केशव श्रेष्ठ, महाधिबेशन प्रतिनिधि कृष्ण प्रसाद खनाल, नेपाल ट्रेड युनियन कांग्रेसका प्रदेश सचिव नन्दराम भट्टराई, जनज्योती माविका अध्यक्ष हुम प्रसाद बन्जाडे, प्राचार्य पशुपति भुसाल, नेपाली कांग्रेसका पुर्ब क्षेत्रीय सभापति तेजुराम पराजुली लगायत सभेच्छुक तथा आफन्तहरुले अन्तिम श्रद्धाञ्जली अर्पर्ण गरेका थिए ।
चैत्र १२ गते, २०७७ मा प्रकाशित
