अर्घाखाँचीडट्कम संवाददाता
खिल्जी, अर्घाखाँची (अर्घाखाँचीडट्कम) । अर्घाखाँची जिल्लाको भूमिकास्थान नगरपालिकाले प्रहरी चौकी खिल्जीका कार्यालय सामाग्री हस्तान्तरण गरेको छ ।
भूमिकास्थान नगरपालिकाका नगर प्रमुख रेशम थापाले मंगलवार प्रहरी चौकी खिल्जीका इन्चार्ज प्रहरी नायव निरीक्षक सुर्य प्रसाद पन्थीलाई एक थान पान्टम कम्पनीको M6500NW को 3 In1 प्रिन्टर हस्तान्तरण गरेका हुन् ।
खिल्जी चौकीमा आउने सेवाग्राहीलाई सेवा दिने तथा कार्यालयको ब्यवस्थापनमा सहजता ल्याउने कार्यका लागि उक्त सामाग्री प्रदान गरिएको हो ।
सामाग्री हस्तान्तरण कार्यक्रममा नगर उप प्रमुख खडानन्द बेल्बासेको पनि उपस्थिती रहेको थियो ।
उता प्रहरी नायव निरीक्षक पन्थीले डट्कमलाई जानकारी गराए अनुसार यसअघि साना किसान कृषि सहकारी संस्था लिमिटेड खिल्जी १ थान कम्प्युटर उपलब्ध गराएको थियो । संस्थाले १९ औ साधारण सभाको अवसर पारी मंसिर १३ गते हस्तान्तरण गरेको थियो । यहाँ ईन्टरनेटको सुविधा छ ।
स्वच्छ छविका मिहिनेती, ईमान्दार सुर्य प्रसाद पन्थी प्रहरी चौकी खिल्जीका इन्चार्ज प्रहरी नायव निरीक्षक रुपमा यहाँ आएपछि स्थानिय जनताले शान्ति सुरक्षा र अमन चयन महसुस गरेका छन् ।
चैत्र १७ गते, २०७७ मा प्रकाशित
