अर्घा, अर्घाखाँची (अर्घाखाँचीडट्कम) । अर्घाखाँची जिल्लामा सुमुधुर स्वरकी धनी पबित्रा गन्धर्वलाई समाजसेवी तथा मिडियाकर्मी कमल क्षत्रिले मोबाइल सहयोग गर्नुभएको छ ।
कला र गला भएता पनि उपयुुक्त सुबिधा र अवसरले बन्चित पवित्रा गन्धर्वलाई उनको घर सन्धिखर्क नगरपालिका वार्ड नम्बर १० अर्घामा पुगेर क्षत्रिले मोबाइल सहयोग गर्नुभएको हो ।
पबित्रालाई ईन्टरनेटको माध्यमबाट देश बिदेशका संगितहरुको जानकारीबाट आफ्नो प्रतिभा निखार्न सहज होस भन्ने हेतुले सहयोग गर्ने भावना जागेको सहयोगी मनका धनी कमल पान्डेले बताउनुभयो ।
अर्घाखाँची डट्कमले केही दिन अगाडि कलाकार गन्धर्वलाई बिशेष लाइभमा पनि ल्याएको थियो । सानै उमेरदेखि गायनमा रुचि राख्ने उनले आर्थिक अभाबका कारण एउटा मोबाइल पनि किन्न नसकेको दुखेसो गरेकी थिइन् । आफूसँग मोबाइल मात्र भएको भएता पनि युट्युब लगायतका माध्यमबाट ट्र्याकमा गाउन सिक्दै थप सांगितिक जानकारी लिन सहज हुन्छकी भन्ने आशा राखेकी थिइन् । उनको सोही इच्छा आज पूरा भएको छ ।
उनलाई सहयोग गर्ने क्रममा सहयोगी मनका धनी कमल पाण्डेले थप बालक र वृद्धलाई पनि केही सहयोग गर्नुभएको थियो ।
चैत्र २० गते, २०७७ मा प्रकाशित
