सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लामा नेपाल पत्रकार महासंघको २६ औँ महाधिवेशनको निर्वाचनको लागि तयारी पुरा भएको छ । 

महासंघको भोली हुने चुनावका लागि नेपाल प्रेस युनियन, प्रेस सेन्टर, प्रगतिशील पत्रकार संघ, प्रेश चौतारी, ( माधब समुह) जन पत्रकार संघ, प्रेश मंच नेपाल लगायतको लोकतान्त्रिक गठबन्धनबाट २९ जनाको दरखास्त परेको छ । यस्तै एक्लै भिड्दै गरेको प्रेस चौतारी नेपालबाट २१ जनाको दरखास्त परेको छ ।

जिल्लामा महासंघको निर्वाचनमा १२४ जना मतदाताले मत खसाल्न पाउने छन् । 

उता महासंघको निर्वाचन पुर्व सन्ध्यामा पनि जिल्लामा विभिन्न सङ्गठनका उम्मेदवारीहरुले चुनावका लागि उम्मेदवार बनेकाहरू मत माग्न व्यस्त छन् । अहिलेसम्म चुनावी माहौल तातेको छ । राजनीतिक चुनावमा रातदिन नभनी रिपोर्टिङमा रहने पत्रकार आफै चुनावमा होमिएका छन् । अर्घाखाँचीका पत्रकारहरुले विभिन्न माध्यमबाट मतदातालाई आफ्नो पक्षमा मतदान गर्न अपिल गरिरहेका छन् । उम्मेदवार बनेकाहरू मात्रै होइन उम्मेदवारलाई समर्थन गर्नेहरू समेत मत माग्न व्यस्त छन् । पत्रकार मुद्दादेखि पत्रकारितामा सुधारसम्मका एजेन्डा उनीहरूसँग छन् । प्रेस स्वतन्त्रता र श्रमजीवी पत्रकारका विषय अहिले एजेन्डा बनेका छन् ।

उता जिल्लाको प्रेस चौतारी बाहेक सबै पत्रकार संगठनको लोकतान्त्रिक गठबन्धनले संयुक्त रुपमा उम्मेदवारी दिएका छन् । जिल्लामा १२४ जना मतदाता नामावलीलाई हेर्दा अशोक खनालको लोकतान्त्रिक गठबन्धनले निर्वाचन जित्ने अनुमान गरिएको छ । तर उता गणेश खनालकाे प्यानलले पनि बहुमतले चुनाव जित्ने दावी गरेको छ । प्यानलका अध्यक्ष पदका उम्मेदवार गणेश खनालले भने; “हामीले बहुमतले चुनाव जित्ने र संस्थागत विकासमा लागि पर्छाै ।” 

महासंघको आसन्न चुनावका लागि दरखास्त परेको नामावली यस प्रकार छ:-  

अर्घाखाँचीमा कांग्रेस सभापति बिष्णु मुस्कान पनि पत्रकार महासंघको सदस्य, चुनावमा भोट हाल्न पाउने

अर्घाखाँचीका पत्रकार चुनावमा होमिए, उम्मेदवार बनेकाहरू मत माग्न व्यस्त