अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लामा नेपाल पत्रकार महासंघको २६ औँ महाधिवेशनको निर्वाचनबाट प्रेस संगठन नेपाल माओवादी केन्द्र निकटका अशोक खनाल अध्यक्ष पदमा निर्वाचित भएपछि नेपाल कम्यूनिष्ट पार्टी (माओवादी-केन्द्र) का अध्यक्ष पुष्पकमल दाहाल प्रचण्ड खुशी व्यक्त गरेका छन् ।
लोकतान्त्रिक गठबन्धनका अशोक खनाल ७२ मत प्राप्त गरी अध्यक्ष पदमा निर्वाचित भएका छन् । फोटो: फेसबूकबाट
अर्घाखाँची जिल्लामा नेपाल पत्रकार महासंघको निर्वाचनमा प्रेस संगठन नेपाल माओवादी केन्द्र निकटका अशोक खनाल अध्यक्ष पदमा निर्वाचित भएपछि प्रचण्ड, पम्पा भुसाल, वर्षमान पुनले खुशी व्यक्त गरेका हुन् ।
टाेपबहादुर रायमाझी, चन्द्र बहादुर खड्का (उज्ज्वल) एमालेमा लागेपनि अर्घाखाँचीमा माओवादी केन्द्रको स्थिती बलियो रहेको भन्दै प्रचण्ड, पम्पा भुसाल, वर्षमान पुन लगायतका नेताहरुले हर्षित भएका बताइएको छ । भने टाेपबहादुर रायमाझी, चन्द्र बहादुर खड्का एमालेमा लागेपनि जनता माओवादी केन्द्र यथावत छन् भन्ने उनिहरुको ठमाई रहेको छ ।
चैत्र २५ गते बुधवार सम्पन्न नेपाल पत्रकार महासंघ अर्घाखाँचीको निर्वाचनमा प्रेस संगठन नेपाल माओवादी निकटका अशोक खनालले ७२ मत प्राप्त गरी विजयी भएका थिए भने उनका निकटतम प्रतिद्वन्द्वी ओली निकट प्रेस चौतारीका गणेश खनालले ४३ मत प्राप्त गरेका थिए । एक मत बदर भएको थियो ।
यस्तै अर्घाखाँचीडट्कमलाई प्राप्त विवरण अनुसार उपाध्यक्षमा कांग्रेस निकट प्रेस युनियनका वीरेन्द्र केसीले ८१ मत ल्याएका थिए भने उनका निकटतम प्रतिद्वन्द्वी प्रेश चौतारी ओली निकटका वसन्त कुमार श्रेष्ठले ३३ मत प्राप्त गरेका थिए । केसीले उत्कृष्ट ८१ मत ल्याएका थिए ।
उपाध्यक्ष महिलामा राष्ट्रिय जनमोर्चा निकट प्रगतिशिल पत्रकारबाट भगवता पाण्डेले ७४ मत ल्याएका थिए भने उनका निकटतम प्रतिद्वन्द्वी प्रेस चौतारी ओली निकटकी सबिता आचार्यले ४२ मत प्राप्त गरेका थिए ।
यस्तै सचीवमा राष्ट्रिय जनमोर्चा निकट प्रगतिशिल पत्रकारबाट विनोद गैरेले ८५ मत ल्याएका थिए भने उनका निकटतम प्रतिद्वन्द्वी प्रेस चौतारी ओली निकटका बिष्णु कुमार आलेले ३१ मत प्राप्त गरेका थिए । सम्पन्न निर्वाचनमा सचीव पदमा गैरेले सबैभन्दा बढी ८५ मत ल्याएका थिए ।
साथै सहसचिवमा प्रेस चौतारी ( माधब समुह) हृदय भुसालले ८४ मत ल्याएका थिए भने उनका निकटतम प्रतिद्वन्द्वी प्रेस चौतारी ओली निकटका हम बहादुर वि.कले ३२ मत प्राप्त गरेका थिए ।
कोषाध्यक्षमा कांग्रेस निटक प्रेस युनियनका रुद्र मणी भुसालले ७७ मत ल्याएका थिए भने उनका निकटतम प्रतिद्वन्द्वी प्रेस चौतारी ओली निकटका नविन केसीले ३७ मत प्राप्त गरेका थिए ।
त्यस्तै समाबेशी सहसचिव रमेश बि.क, अनिल नेपाली, सदस्य जनजाति अम्बिका श्रेष्ठ, सदस्य महिला सरिता भुसाल, सदस्य खुल्ला लक्ष्मण घिमिरे, घनश्याम पौडेल, बिष्णु खनाल, जितेन्द्र खत्री, गोपाल भट्टराई, अशोक चौहान, वसन्त बि. क, दलित सदस्य सागर परियार, समाबेशी बाबुराम रसाइली, केन्द्रिय परिषद सदस्य बिष्णु प्रसाद भुसाल, सहयोगी बि. सी, सुर्य प्रसाद भुसाल, प्रदेश परिषद सदस्य मेहर सिंह के.सी, बिजय के.सी, देबेन्द्र कुँवर, अशोक पौडेल, सागर महत, गोमा भुसाल बिजयी भएका थिए ।
अर्घाखाँचीमा १ सय २६ जना मतदाता रहे पनि एक सय १६ मात्र मत खसेको थियो। निर्वाचनमा बुधवार विहान ९ बजेदेखि अपराह्न ५ बजेसम्म मत दिने व्यवस्था मिलाइएको थियो । मत गणना बुधबार साँझ ७:३० बाट शुरु भई आज बिहीवार बिहान ३:०५ मा सकिएको थियो ।
महासंघको चुनावका लागि नेपाल प्रेस युनियन, प्रेस सेन्टर, प्रगतिशील पत्रकार संघ, प्रेश चौतारी, ( माधब समुह) जन पत्रकार संघ, प्रेश मंच नेपाल लगायतको लोकतान्त्रिक गठबन्धनबाट २९ जनाको दरखास्त परेको थियो । यस्तै एक्लै भिडेको प्रेस चौतारी नेपालबाट २१ जनाको दरखास्त परेको थियो ।
चैत्र २८ गते, २०७७ मा प्रकाशित
