अनिशा शाही ठकुरी
सन्धिखर्क, अर्घाखाँची । अर्घाखाँची जिल्लाको सन्धिखर्कमा पत्रकार हलिम खान लुम्बिनी आवाज डटकमको उत्कृष्ट पत्रकारमा सम्मानित हुनु भएको छ ।
डटकमको स्थापना काल देखि अहोरात्र खटिएर लागेका पत्रकार खानलाइ आज एक भब्य कार्यक्रमका बिच लुम्बिनी टाइम्स प्रा . लि . द्वारा सन्चालित लुम्बिनी आवाज डटकमले सम्मान गरेको हो । अर्घाखाँची जिल्लाको सन्धिखर्क नगरपालिका वार्ड नम्बर २ मा रहेर पत्रकारिता गर्दै आउनु भएका पत्रकार खान लुम्बिनी आवाज डटकमका प्रबन्ध निर्देशक पनि हुनुहुन्छ ।
काठमाडौमा केन्द्रिय कार्यलय रहेको लुम्बिनी आवाज डटकमले लुम्बिनी प्रदेशको जिल्ला अर्घाखाँचीको सन्धिखर्कमा क्षेत्रीय कार्यलय बनाएर देशै भरीको समाचार सम्प्रेषण गर्दै आएको छ । लुम्बिनी टाईम्स प्रा. लि. द्वारा संचालित लुम्बिनी आवाज डटकम द्वारा प्रकाशित २०७८ सालको क्यालेन्डर बिमोचन तथा नेपाल पत्रकार महासंघ अर्घाखाँची शाखाका नव निर्वाचित पदाधिकारीहरु र सदस्यहरुलाइ सम्मान कार्यक्रम एवम् नया वर्षको शुभकामना आदनप्रदान कार्यक्रमको अबसरमा पत्रकार खान लगायत महासंघ अर्घाखाँचीका पदाधिकारीहरुलाइ स्वागत तथा सम्मान गरिएको थियो ।
लुम्बिनी आवाज डटकमको स्थापना, विकास, ब्यवस्थापन तथा सत्य, तथ्य र निष्पक्ष समाचार संकलन गरि अनलाइन पत्रकारिताको माध्यम बाट आम जनतालाई सुसूचित गर्न सस्थाको गरिमालाइ उच्च राख्न लुम्बिनी आवाज डटकमका प्रबन्ध निर्देशक पदमा रहि हलिम खानले पुर्याउनु भएको योगदानको उच्च कदर गर्दै प्रशंसा-पत्र समेत दिएको थियो ।
सन्धिखर्क स्थित एक होटलमा गरिएको स्वागत तथा सम्मान कार्यक्रममा जिल्लाका अधिकांश पत्रकार , जनप्रतिनिधी , राजनितिक दलका नेताहरु , बुद्दिजिवीहरुको उपस्थिती रहेको थियो ।
चैत्र २८ गते, २०७७ मा प्रकाशित
