सन्धिखर्कमा उर्जा मन्त्री टोपबहादुर रायमाझीसँग पत्रकार सम्मेलन | सरकार ढलाउछौं भनेर सपना नदेख्न आग्रह (पुरा भिडियो सहित)

सन्धिखर्क, अर्घाखाँची  (अर्घाखाँचीडट्कम) ।  उर्जा, जलस्रोत तथा सिंचाइ मन्त्री टोपबहादुर रायमाझीले वर्तमान सरकारले निरन्तरता पाउने बताउनुभएको छ । प्रेस चौतारी नेपाल अर्घाखाँचीद्वारा अर्घाखाँची जिल्लाको सन्धिखर्कमा सन्धिखर्कमा आयोजितपत्रकार  सम्मेलनमा मन्तव्य राख्दै उहाँले   वर्तमान सरकारको बिरुद्धमा लागेको माओवादी केन्द्रले सरकारलाई दिएको समर्थन समेत फिर्ता लिन नखोज्नु सरकार निरन्तरताको निम्ति बलियो प्रमाण भएको बताउनुभयो ।

 माओवादी अध्यक्ष प्रचण्डको  प्रधानमन्त्री हुने तिब्र चाहना अरु दलले नपत्याए पछि चक्नाचुर भएको भन्दै उहाँले प्रचण्डले प्रधानमन्त्रीको लाईन छोडेर मिलिजुली सरकार बनाऔं भन्दा पनि अरु दलले बेवास्ता गरेको बताउनुभयो । रायमाझीले नेपाली कांग्रेस ,माओवादी र जसपा मिलेर सरकार बनाउने कुरा असंभव भएको भन्दै वर्तमान सरकारले नै निर्वाचन गराउने ठोकुवा समेत  गर्नुभयो । प्रधानमन्त्रीको ताजा जनादेशमा जाने कुरालाई निरंकुश र अलोकतान्त्रिक भन्ने दलहरूले अहिले पछुतो मान्दै गएको उहाँको भनाई छ । 

रायमाझीले घरघरमा पिउने पानीको धारा पुर्याउने काम भैरहेको ,जिल्ला अस्पताललाई सुबिधा सम्पन्न अस्पताल बनाउन बजेट निकासा भएको  ,सालझण्डी ढोरपाटन ,तम्घास सन्धिखर्क,सन्धिखर्क प्युठान ,पाल्पा तानसेन,रिडी बल्कोट,गच्छेभालुवाङ  लगायतका मुख्य मुख्य सडक पिच गर्ने गरि तयारी भएको बताउनुभयो । उहाँले टोलटोलमा मोटर बाटो पुर्याएको,दर्जनौं पक्की पुल निर्माण गरेको ,अधिकाम्स सरकारी बिद्यालयमा नयाँ भवन बनाएको ,पाणिनि क्याम्पस लाई सुबिधा सम्पन्न क्याम्पस बनाउने काम भएको ,पर्यटन प्रबर्द्धनको निम्ति उल्लेख बजेट छुट्याएको,युवा स्वरोजगार मार्फत हजारौं युवाहरुलाई रोजगारी दिने तयारी गरेको ,व्यवसायीक पशुपालन र आधुनिक खेतीमा कृषकलाई आकर्षित गर्न प्रयाप्त अनुदानको व्यवस्था गरेको बताउनुभयो ।

प्रेस चौतारी नेपालका जिल्ला अध्यक्ष हिमबहादुर जि.सी.लेकालीको अध्यक्षता , सदस्य नवीन के.सी.को संचालन र सदस्य वसन्त श्रेष्ठ छापेलीको स्वागत मन्तव्यमा सम्पन्न कार्यक्रममा नेकपा एमालेका केन्द्रीय सदस्य तथा राष्ट्रियसभा सदस्य चन्द्रबहादुर खड्का उज्ज्वल ,नेकपा एमालेका जिल्ला अध्यक्ष तथा प्रदेशसभा सदस्य चेतनारायण आचार्य,नेकपा एमालेका प्रदेश सचिवालय सदस्य तथा प्रदेश सभा सदस्य रामजी प्रसाद घिमिरे ,प्रेस चौतारी नेपालका प्रदेश   संयोजक शोभाखर पन्थी लगायतका वक्ताहरूले मन्तव्य राख्नुभएको थियो ।