झनक के.सी
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको शितगंगा नगरपालिका वार्ड नम्बर ६ जुकेनामा अन्तरपालिका वार्ड स्तरीय खुल्ला पुरुष भलिबल प्रतियोगिता हुने भएको छ ।
जुकेनाको सिवादह विधालयमा नयाँ बर्ष २०७८ को पावन अबसरमा वार्ड नम्बर ६ को आयोजनामा आगामी बैशाख ४ र ५ गते अन्तरपालिका वार्ड स्तरीय खुल्ला पुरुष भलिबल प्रतियोगिता हुने भएको हो ।
राष्टको लागि खेलकुद स्वास्थको लागि खेलकुद र रास्टिय खेलाडी उत्पादनमा जोड दिने भन्दै आयोजना गरिने प्रतियोगितामा पहिलो, दोस्रो र तेस्रो हुनेलाई क्रमश २० हजार,१० हजार र ५ हजार रुपैंया प्रदान गरिने आयोजकले जनाएकाे छ । प्रथम पुरस्कार ठुला ढुङ्रे निवासी हाल अमेरिकामा कर्मथलो बनाएका सुमन रेस्मीले सौजन्य गरेका छन भने अन्य ब्यबस्थापन वाड ६ कार्यलयले गर्ने आयोजकले जनाएको छ।
प्रतियोगितामा खेलाडिले आफ्नो परिचय खुल्ने गरि आफ्नै वार्डको सिफारिस लिएर आउनुपर्ने वार्ड अध्यक्ष ऋषि रेस्मिले बताए । खेल प्रचलित नियम अनुसार खेलाइने आयोजकले जनाएको छ। टिम दर्ता बैसाख ४ गते १० बजे सम्म गरि सक्नु पर्ने छ। दर्ता फोन मार्फतपनि गर्न सकिने छ।
चैत्र ३१ गते, २०७७ मा प्रकाशित
