सुरज घिमिरे
बुटवल (अर्घाखाँचीडट्कम) । पाणिनी–५, मैदान अर्घाखाँची–रुपन्देही सम्पर्क समाजको आयोजनामा नयाँ वर्ष २०७८ सालको शुभकामना आदानप्रदान तथा क्यालेन्डर बिमोचन कार्यक्रम गरिएको छ ।
शनिबार बुटवलको एशियन पार्टी प्यालेसमा आयोजित एक कार्यक्रमका बीच शुभकामना आदानप्रदान तथा क्यालेन्डर विमोचन गरिएको छ ।
क्यालेन्डरमा अर्घाखाँची जिल्लाका विभिन्न पर्यटकिय स्थलहरुलाई समेटिएर तयार पारिएको छ । उक्त क्यालेन्डरमा नेपाल सरकारबाट स्वीकृत बिदाहरु तथा चाडपर्वहरु समेत उल्लेख गरिएको छ ।
सो अवसरमा अर्घाखाँची जन्मभई रुपन्देही बसोबास गर्दै आउनुभएका रामप्रसाद घिमिरे, मीन प्रसाद घिमिरे, राजन अधिकारी, तुलसीराम घिमिरे, रोमनाथ घिमिरे लगाएतले शुभकामना व्यक्त गरेका थिए ।
समाजका अध्यक्ष थानेश्वर घिमिरेको अध्यक्षता रहेको कार्यक्रममा सचिव कृष्ण बेल्बासेको सन्चालन रहेको थियो । समाजले सामाजिक क्षेत्र काम गर्दै आएको छ ।
बैशाख ४ गते, २०७८ मा प्रकाशित
