चोलनाथ पौडेल
दुर्गाफाँट, अर्घाखाँची, चैत्र ५ आईतवार (अर्घाखाँचीडट्कम) । अर्घाखाँची जिल्लाको पाणिनी गाउँपालिका स्थित दुर्गाफाँटमा पाणिनी पर्यटन समाजले २०७८ सालको भित्तेपात्रो विमोचन गरेको छ ।
क्यालेन्डर विमोचन गर्दै पाणिनि गाउँपालिकाका अध्यक्ष अच्युत गौतमले पाणिनी पर्यटन समाजले पाणिनि गाउँपालिकाका धार्मिक तथा पर्यटकिय स्थलको प्रचारप्रसार गर्नमा महत्वपूर्ण भूमिका निर्वाह गरेको प्रति धन्यवाद दिनु भएको छ । विमोचन कार्यक्रममा पाणिनी गाउँपालिकाका उपाध्यक्ष लक्ष्मी गौतमले पाणिनी पर्यटन समाजले सामाजिक क्षेत्रमा क्रियाशील रहेको बताउँदै समस्या परेका ठाउँमा आगामि दिनमा पनि सक्रिय भएर लाग्न आग्रह गर्नुभयो ।
पाणिनि गाउँपालिका वडा नम्बर-३ खिदिम हर्राबोटमा केही समय पहिला घरमा आगोलागी भई घर नष्ट भएको अग्नि पिडीत नारायणी अत्रीलाई पर्यटन समाजले आर्थिक सहयोग हस्तान्तरण पनि गरेको छ । अष्ट्रेलियामा रहने ज्योति केसीको पहलमा संकलित विस हजार रूपैयाँ हस्तान्तरण गरिएको छ ।
पाणिनि पर्यटन समाजका अध्यक्ष पर्यटन समाज का झविन सुनामको अध्यक्षता, उपाध्यक्ष धुव्रराज घिमिरेको स्वागत मन्तव्य र सचिव केशव बन्जाडेको सञ्चालनमा सम्पन्न कार्यक्रममा पालिका अध्यक्ष अच्युत गौतम, उपाध्यक्ष लक्ष्मी गौतम,प्रमुख प्रशासकीय अधिकृत नेत्र प्रसाद घिमिरे को उपस्थितिमा सम्पन्न भएको छ ।
– तस्वीर चोलनाथ पौडेल/अर्घाखाँची डटकम् ।
बैशाख ५ गते, २०७८ मा प्रकाशित
