विक्रम आचार्य
जुकेना, अर्घाखाँची । अर्घाखाँची जिल्लाको शितगंगा नगरपालिका -६ जुकेनामा वार्ड स्तरीय भलिबल प्रतियोगिता सम्पन्न भएकाे छ। राष्ट्रका लागि खेलकुद स्वास्थ्यका लागि खेलकुद भन्ने मुल नाराका साथ हिजाे शनिबार शिवादहमा अन्तरपालिका वडा स्तरीय खुल्ला पुरूष भलिबल प्रतियाेगिता सुरू गरिएकाे थियाे । वडा कार्यालयकाे आयोजनामा प्रतियाेगिता संचालन भएकाे हाे ।
भलिबल प्रतियोगिताका संयाेजक सन्दिप दर्लामीकाे अध्यक्षता एवम वडा अध्यक्ष रिषी रेश्मीकाे प्रमुख आतिथ्यतामा वडा स्तरीय खेलकुद प्रतियोगिता समापन भयाे । प्रतियाेगितामा १२ टिमको सहभागिता रहेकाे थियाे ।
आज भएकाे खेलमा शितगंगा -६ काे समुह प्रथम, शितगंगा -२ काे समुह दाेस्राे र शितगंगा -७ काे समुह तेस्रो भएकाे थियाे। खेलमा शिवम् परियारले उत्कृष्ट प्रदर्शन गरेका थिए भने खेलकाे एम्पाएर नविन सारु र दिपक गाहाले गरेका थिए ।
अन्तरपालिका वडा स्तरीय खुल्ला पुरूष भलिबल प्रतियोगिताकाे प्रथम पुरस्कार ठुला ढुङ्ग्रे निवासी हाल अमेरीकामा रहने सुमन रेश्मीले साैजन्य गरेका थिए ।
बैशाख ५ गते, २०७८ मा प्रकाशित
