गणेश बेल्बासे संगम
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्ला भित्र संचालित सामुदायिक विद्यालयहरूको वार्षिक परीक्षा यही वैशाख १९ गतेदेखि हुने भएको छ । शैक्षिक विकास तथा अनुसन्धान परिषद, अर्घाखाँचीको वैशाख ७ गते मंगलबारका दिन आकस्मिक बसेको बैठकले उक्त निर्णय गरेको हो ।
कोभिड १९ को बढ्दो प्रभावले उत्पन्न हुनसक्ने असहज परिस्थितिलाई दृष्टिगत गरि वैशाख १९ गतेदेखि सुरू गर्ने निर्णय भएको परिषदका अध्यक्ष मान बहादुर पाण्डेले बताउनु भयो ।
परिषदले कक्षा ८ को आधारभूत तह उत्तीर्ण परीक्षा बाहेक कक्षा १ देखि ९ सम्मको रुटिन समेत सार्वजनिक गरेको छ ।
कोभिड-१९ को असहज परिस्थितिलाई ख्याल गर्दै परीक्षालाई चुस्त दुरुस्त र मर्यादित बनाउन परिषदले सबै विद्यालयहरू लाई अनुरोध गरेको छ ।
बैशाख ९ गते, २०७८ मा प्रकाशित
