अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लामा आजसम्म सक्रिय कोरोना संक्रमितको संख्या १५१ जना पुगेको छ ।
जसमा सन्धिखर्क नगरपालिकामा ८२ जना, भूमिकास्थान नगरपालिकामा २६, शितगंगा नगरपालिकामा १२, मालारानी गाउँपालिकामा १२, पाणिनी गाउँपालिकामा ६ र छत्रदेव गाउँपालिकामा १३ जना संक्रमित रहेका छन् ।
जिल्लामा गत वर्षदेखि आजसम्म संक्रमितको संख्या ९६६ जना पुगेको छ । जसमा सन्धिखर्क नगरपालिकामा ४६५ जना, भूमिकास्थान नगरपालिकामा १६७, शितगंगा नगरपालिकामा १२३, मालारानी गाउँपालिकामा १०४, पाणिनी गाउँपालिकामा ३९, र छत्रदेव गाउँपालिकामा ६८ जना संक्रमित रहेका छन् ।
यस्तै जिल्लाबाट आजसम्म ७९३ जनाले कोरोना जितेका छन् । जसमा सन्धिखर्क नगरपालिकामा ३७८ जना, भूमिकास्थान नगरपालिकामा १३५, शितगंगा नगरपालिकामा १०६, मालारानी गाउँपालिकामा ८९, पाणिनी गाउँपालिकामा ३१ र छत्रदेव गाउँपालिकामा ५४ जनाले कोरोनालाई जितेका हुन् ।
जिल्लामा हालसम्म काेराेना संक्रमणका कारण २२ जनाको ज्यान गएको छ । भने आजसम्म जिल्लामा १५१ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
उता कोरोना संक्रमण बढ्दै गएपछि अर्घाखाँची जिल्लाभरको गतिविधी ठप्प भएको छ ।
सदरमुकाम सन्धिखर्क, चुत्राबेसी बजार लगायत जिल्लाका सबै पालिकामा चहलपहल, आवतजावतमा कमी हुनुका साथै एकाएक सुनसान हुँदै गएको हो । जिल्लाभर पसलहरु धमाधम बन्द हुँदै गएका छन् ।
साथै जिल्लाभर पुर्व निर्धारित सम्पूर्ण कार्यक्रम स्थगित गरिएको छ । सवारी साधनहरु पनि कम चलेका छन् । जिल्लामा निषेधाज्ञा (लकडाउन) भएको महशुस गरिएको छ । साथै जिल्लाका सबै पालिकाबाट दिने सेवा पनि केही दिनका लागि बन्द गरिएको छ ।
उता जिल्लामा यही अवस्था अर्थात चहलपहल, आवतजावत कमको अवस्था रहे निषेधाज्ञा (लकडाउन) गर्न पर्ने आवश्यक नदेखिएको बताइएको छ ।
शनिबारको कोरोना विवरण यस्तो छ:-
बैशाख १८ गते, २०७८ मा प्रकाशित
