अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको शितगंगा नगरपालिका वार्ड नम्बर ४ ठाडामा रहेको श्री ज्योती माध्यामिक बिद्यालयका एक शिक्षकले बिद्यार्थीहरुसँग अवैध रकम असुल्दै गर्दै आएको स्वीकार गरेका छन् ।
ठाडामा रहेको श्री ज्योती माध्यामिक विद्यालयका प्राधाध्यापक शंकर अर्यालले एक सुचना जारी गर्दै शिक्षक लाल वहादुर गुरुङले बिद्यार्थीहरुलाई करकाप र डर देखाउदै अवैध रकम असुल्दै गर्दै आएको भनी लागेको आरोपको स्वीकार गरेका हुन् ।
गुरुङले बिज्ञान बिषयमा प्राक्टिकल नम्बर बढि दिने भन्दै ५० रुपैयाँदेखि ५ हजारसम्म माग गर्ने गरेका बताइएको थियो । यस्तै गत बर्ष समेत उनले हरेक बिद्यार्थीसँग रु ५० र १०० रुपैयाँ उठाएका थिए ।
यस्तै शिक्षक गुरुङले ज्योती माविमा अध्ययन गर्ने बिद्यार्थीसँग कक्षा १० (एसईई) मा पास गराउने भन्दै ३० हजार उठाउने गरेको आरोप छ । उनले (एसईई) मा बि प्लस ल्याइदिने भन्दै २ जनासँग ६० हजार रकम लिएका थिए । उनले हल्ला भएपछि १ जनाको आईएमई गरी ठाडाबाट रकम फिर्ता गरेका थिए ।
विद्यालयका प्राचार्य शंकर अर्यालले सुचना जारी गर्दै भनेका छन्; “शिक्षकले रकम लिएको स्वीकार गरेका छन् ।” शिक्षक गुरुङले लिएको रकम फिर्ता गराउने पनि बताएका छन् । तर शिक्षक गुरुङले अध्यापन गराउने कक्षा १० को बिज्ञान बिषयमा बिद्यार्थीको नतिजा हेर्दा गत एसईई परिक्षामा ७० जना बिद्यार्थीमा इ ग्रेट ल्याउने मात्र ४८ जना रहेका थियो ।
बैशाख २१ गते, २०७८ मा प्रकाशित
