काठमाडौं । आज देशैभरीको मौसम बदली हुने र पश्चिमी क्षेत्रका अधिकांश जिल्लामा चट्याङसहित पानी पर्ने सम्भावना रहेको मौसम पूर्वानुमान महाशाखाले जनाएको छ ।
महाशाखाकाअनुसार काठमाडौंको मौसम पनि साान्यतया बदली हुनेछ । काठमाडौंमा आज साँझपख हलका वर्षाको सम्भावना रहेको महाशाखाले जनाएको छ ।
काठमाडौंको आज बिहानको न्यूनतम् तापक्रम ११ दशमलव ६ डिग्री सेल्सियस रह्यो भने दिउँसोको अधिकतम् तापक्रम २५ देखि २७ डिग्री सेल्सियसकाबीच रहने महाशाखाले जनाएको छ । आज बिहान सूर्योदय ५ बजेर २० मिनेटमा भयो भने सूर्यास्त साँझ ६ बजेर ४१ मिनेटमा हुनेछ । इमेज च्यानलमा समाचार छ ।
बैशाख २४ गते, २०७८ मा प्रकाशित
