२०७८ वैशाख २५, शनिवारमा प्रकासित
अर्घाखाँचीडट्कम संवाददाता
सुनवल (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर १२ डिभर्नाको कुन्जरेकी एक युवती पश्चिम् नवलपरासीको सुनवल नगरपालिका वार्ड नम्बर १० गैडाखालमा मृत फेला परेकी छिन् ।
डिभर्नाको कुन्जरेका शोभाखर कुवरकी २४ वर्षिया छोरी शान्ता कुवरको गैडाखालमा बेवारिसे अवस्थामा शब फेला परेको हो ।
भैरहवा मेडिकल कलेजमा सिक्योरिटी गार्ड गर्दै आएकी उनी वैशाख २३ गते बिहीवार साँझ मृत अबस्थामा जङ्गलमा फेला परेकी थिइन् । उनी बिगत केही समयदेखि रुपन्देही बस्दै आएकी थिइन् ।
शबलाई हिजो नै उनको आफन्तलाई बुझाएको छ । उनको आत्म हत्या हो कि हत्या हो भनेर अझै खुल्न नसकेको जिल्ला प्रहरी कार्यालय पश्चिम नवलपरासीका प्रहरी नायब उपरीक्षक राजु लामाले बताए ।
घटनाको थप अनुसन्धान भैइरहेको प्रहरीले बताएको छ ।
बैशाख २६ गते, २०७८ मा प्रकाशित
