अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । कोरोना संक्रमण बढ्दै गएपछि जारी गरिएको निषेधाज्ञाका कारण अर्घाखाँची जिल्लाभरको गतिविधी सुनसान भएको छ ।
संक्रमण दिन प्रतिदिन बढ्दै गइरहेको भन्दै पुन: थप १० दिन जेष्ठ १० गते राती १२ बजे सम्मको लागि निषेधाज्ञा बढेको छ । बैशाख २० गते राती १२ देखि बैशाख ३१ गतेसम्म निषेधाज्ञा जारी गरिएको थियो ।
सदरमुकाम सन्धिखर्क, चुत्राबेसी बजार लगायत जिल्लाका सबै पालिकामा चहलपहल, आवतजावतमा बन्द हुनुका साथै सुनसान भएको छ ।
जिल्लाभरका स्थानिय बासिन्दाहरु भने खेतबारीमा व्यस्त छन् । घरमा वृद्धवृद्धा र बालबालिका मात्रै छन् ।
यस्तै अजिल्ला अस्पताल अर्घाखाँचीमा कोरोना संक्रमितको लागि अक्सिजन सिलिन्डर लगायतका सबै सुविधा सहित एचडियु सेवा छ । अक्सिजनको कारण कसैलाई बाहिर जान परेको छैन् । साथै जिल्लामा संक्रमितको संख्यामा कमी आएको छ ।
जिल्लामा गत वर्षदेखि आजसम्म संक्रमितको संख्या १५५५ जना पुगेको छ । भने गत वर्षदेखि आजसम्म ८६२ जनाले कोरोना जितेका छन् । जिल्ला प्रशासन कार्यालयका अनुसार काेराेना संक्रमणका कारण जिल्लामा हालसम्म ३८ जनाको ज्यान गएको छ ।
जेष्ठ १ गते, २०७८ मा प्रकाशित
