अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम ) । अर्घाखाँची जिल्ला अस्पताललाई युवा समाजसेवी दिपक कुमार श्रेष्ठले आर्थिक सहयोग उपलब्ध गराउनुभएको छ ।
सन्धिखर्क नगरपालिका वार्ड न. ४ वाङ्ला माझहटिया निबासी श्रेष्ठ ब्रदर्श अटोमोबाइल्स तथा अर्घाखाँची जिम एन्ड फिट्नेश क्लबका संचालक,नेपाली काङ्गेसका युवा नेता तथा युवा समाजसेवी दिपक कुमार श्रेष्ठले नेपाल पत्रकार महासंघ अर्घाखाँचीको पहलमा अर्घाखाँची अस्पतालको आइसुलेशन कक्षको एचडियुमा कोबिड १९ बाट संक्रमीत भई उपचारार्थ बिरामीहरुको सहयोगार्थ अक्सिजन सिलिन्डर भर्नको लागी नगद रु ५० हजार आर्थिक सहयोग उपलब्ध गराउनु भएको हो ।
उक्त रकम पत्रकार महासंघ जिल्ला शाखा अर्घाखाँचीका अध्यक्ष अशोक खनालले अस्पताल प्रमुख डा.कपिल गौतमलाई हस्तान्तरण गर्नुभएको थियोे ।
श्रेष्ठले विपदको समयमा यसरी अर्घाखाँची जिल्लामा विगत देखि विभिन्न तवरले सहयोग उपलब्ध गराउदै आउनुभएको छ।
जेष्ठ २ गते, २०७८ मा प्रकाशित
