अर्घाखाँचीडट्कम संवाददाता
खनदह, अर्घाखाँची (अर्घाखाँचीडट्कम ) । अर्घाखाँची जिल्लाको मालारानी गाउँपालिका वार्ड नम्बर ३ खनदहका एक युवाको कोरोना संक्रमणको कारणले बुटवलमा निधन भएको छ ।
खनदहका ४३ वर्षिय पुरुषको बुटवलस्थित कोरोना विशेष अस्पतालमा उपचारको क्रममा निधन भएको हो ।
श्वासप्रश्वास, निमोनियाको समस्या भई वैशाख २५ गते कोरोना संक्रमन देखिएपछि जेठ २ गते भर्ना भएका उनको आज बिहान १२.०७ बजे मृत्यु भएको सूचना अधिकारी डा. विष्णु गौतमले बताए ।
योसँगै काेराेना संक्रमणका कारण जिल्लामा गतवर्षदेखि हालसम्म ४१ जनाको ज्यान गएको छ ।
जेष्ठ ४ गते, २०७८ मा प्रकाशित
