जलुकेको जुवाकोटमा फेला परेका पाल्पाका एक युवाको उद्धार

सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको शितगंगा नगरपालिका वार्ड नं. ६ जलुकेको जुवाकोटमा फेला परेका पाल्पाका एक युवाको उद्धार गरिएको छ । 

जलुकेको  जुवाकोटमा फेला परेका पाल्पाका ४० वर्षिय हिरा विकको उद्धार गरिएको हो । उनलाई पाल्पाको निलसागर आश्रममा छोडिएको हो । 

 शितगंगा ७ का वडाअध्यक्ष माेहन प्रसाद पन्थीको पहलमा अशक्त विकलाई पाल्पा पठाइएको थियो । पन्थीले जलुकेको जुवाकोटमा फेला परेको जानकारी गराएका थिए । भने आज शितगंगा नगरपालिका वार्ड नम्बर ६ जुकेनाको देउराली ल्याइएको थियो ।    

उद्धारमा वडाअध्यक्ष पन्थी, शितगंगा एफ.एमका स्टेसन म्यानेजर अराज बेलबासे, सामाजिक अभियान्ता हरि खनाल, नारायण अधिकारी, विक्रम मुस्कान आचार्य खटिएका थिए । 

सुस्त मनस्थिती भएका विकको खुट्टामा गहिरो चोट लागेको अवस्थामा फेला पारीएको थियो । युवाहरुले सरसफाई र औषधी उपचार गरेर गाडीको व्यवस्था गरेर पठाएका थिए । साथै गाडी पास शितगंगा ६ का  वडाअध्यक्ष ऋषि बहादुर रेश्मीले उपलब्ध गराएका थिए ।