अर्घाखाँचीडट्कम संवाददाता
हंसपुर, अर्घाखाँची (अर्घाखाँचीडट्कम) । अर्घाखाँची जिल्लाको मालारानी गाउँपालिका वार्ड नम्बर ७ हंसपुरको बामरुकमा बाख्रा चराउन गएकी बालिकाको भिरबाट लडेर निधन भएको छ ।
हंसपुरको बामरुकका गोविन्द थापाकी अन्दाजी १४/१५ वर्षिय छोरी सम्झना थापा मगरको बाख्रा चराउने क्रममा बामरुकको भिरबाट लडेर शनिबार दिउसो घटनास्थलमा निधन भएको हो ।
बाख्रा चराउन क्रममा करिव ५०० मिटर बामरुकको भिरबाट लडेको जिल्ला प्रहरी कार्यालयका सुचना अधिकारी गणेश खनालले अर्घाखाँचीडट्कमलाई जानकारी दिए ।
घटनाको अनुसन्धान भईरहेको प्रहरीले बताएको छ ।
जेष्ठ ८ गते, २०७८ मा प्रकाशित
