फोटो फिचर: सुपादेउरालीको झोलुंगे पुल, नरपानी घुम्टी लगायत

धार्मिक पर्यटकसँगै स्वदेशी तथा विदेशी पर्यटकलाई मध्यनजर गरेर पुल निर्माण गरिएको हो । पर्यटकलाई भरपुर मनोरञ्जन र रमाउनका लागि पर्यटकीय संरचना निर्माण अन्तरगत भोलुंगे पुल निर्माण भएको हो । पुलले दुई पहाडको बीच भागलाई जोडेको छ । पुलबाट पर्यटक पारी पट्टीको पथ्थर सहितको पहाडमा गएर रमाउनेछन् । यहाँ बञ्जीजम्प र जिप फ्लायर लगायतका साहसिक खेल  सञ्चालन गरिनेछ । । मन्दिरमा दर्शका लागि तीर्थालु, सुपादेउराली मन्दिर देखि करिब दुई किमी पर पर्यटकीय स्थल नरपानीमा घुम्न आउने पर्यटकलाई पर्यटकीय संरचना बनाएर भुलाउने, साहसिक खेल खेलाउन र मनोरञ्जन गराउने लक्ष्य रहेको छ ।

पुलको लम्बाई करिब २ सय ७२ मिटर र उचाई १ सय ६२ रहेको सुपादेउराली मन्दिर व्यवस्थापन समिति यादव घिमिरेले बताए । झोलुंगे पुल संघीय सरकारको बजेटबाट निर्माण भएको हो । एक करोड भन्दा बढीको बजेट लगानी छ । पर्यटकीय संरचना निर्माण अन्तरगत पुलको लागि पूर्वमन्त्री टोपबहादुर रायमाझीको पहलमा बजेट परेको हो ।