अर्घाखाँचीडट्कम संवाददाता
ढिकुरा, अर्घाखाँची (अर्घाखाँचीडट्कम) । अर्घाखाँची जिल्लाको भुमिकास्थान नगरपालिका वार्ड नम्बर ९ ढिकुराको टुटिना डाँडागाउँमा एक किशोर झुन्डिएको अवस्थामा मृत फेला परेका छन् ।
डेभा लगायत
ढिकुराको टुटिना डाँडागाउँका लक्ष्मण नेपालीका १४ वर्षिय छोरा सन्दिप नेपाली डेभा मुनिको छिरलिंङ खोलामा रहेको गोठमा सोमबार झुन्डिएको अवस्थामा मृत फेला परेका हुन् ।
स्थानिय राजु सारुले दिएको जानकारी अनुसार नेपाली आज सोमबार दिउसो १२:३० बजे खाना खाएर छिरलिंङ खोलामा रहेको गोठमा गाईबस्तुलाई घाँस हाल्न हिंडेका थिए । उनी नजिकैको श्री देउराली आधारभुत बिधालय भेडीखोरमा कक्षा ५ मा अध्यनरत थिए ।
प्रहरीले सम्पूर्ण मुचुल्का उठाएको र आत्महत्या हुन सक्ने अनुमान गरेको छ ।
पोष्टमाटमको लागि शवलाई जिल्ला अस्पताल अर्घाखाँचीमा लगिएको थियो । घटनाको थप अनुसन्धान भईरहेको प्रहरीले बताएको छ ।
अर्घाखाँचीमा पछिल्लो समय आत्महत्याका घटना बढेको देखिन्छ ।
जेष्ठ १७ गते, २०७८ मा प्रकाशित
