अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ८ किमडाँडाको आँपखोलाका १ जना शिक्षकको कोरोना संक्रमणका कारण निधन भएको छ ।
किमडाँडाको आँपखोलाका घर भएका सन्धिखर्कको चुत्राबेसी स्थिती अर्घाखाँची आवासीय माध्यमिक विद्यालय बेल्वाटीकाका ४८ वर्षिय शिक्षक बिकास शाहीको भैरहवा भीम अस्पतालमा सोमबार राती ८:५५ बजे कोरोना संक्रमणका कारण निधन भएको हो ।
कोरोना संक्रमण देखिएका शाहीको जिल्ला अस्पताल अर्घाखाँचीबाट थप उपचारको लागि भरतपर अस्पतालमा लगिएको थियो । शाहीले केही वर्ष अगाडी मृगौला प्रत्यारोपण गरेका थिए ।
उता आफ्ना शिक्षकको निधन भएकोमा अर्घाखाँची आवासीय माध्यमिक विद्यालयले दु:ख व्यक्त गरेको छ ।
योसँगै काेराेना संक्रमणका कारण जिल्लामा गतवर्षदेखि हालसम्म ५९ जनाको ज्यान गएको छ ।
जेष्ठ २४ गते, २०७८ मा प्रकाशित
