अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क स्थित रेन्बो मन्टेश्वरी जोन स्कुल चुत्राबेसीका प्रिन्सिपल निधन भएको छ ।
जन्डिस र निमाेनियाबाट गम्भिर बिरामी भुमिकास्थान नगरपालिका वार्ड नं १० धनचाैरका ३५ वर्षिय कृष्ण हमालको काठमाण्डाैको त्रिपुरेश्वर स्थित ब्लु क्रस अस्पतालमा उपचारकाे क्रममा आज सोमबार बिहान ८ बजे निधन भएकाे हो ।
युवा व्यवसायी हमालको निधन जन्डिस र निमाेनियाका कारण भएको बताइएको छ ।
साथै हमालले अर्घाखाँचीमा पहिलो पटक मन्टेश्वरी स्कुलको शुरुवात गरेका थिए । भने उनी माओबादी केन्द्र भूमिकास्थान नगरपालिका – १० का पार्टी कमिटीका सचिवालय सदस्य पनि थिए ।
उता केही वर्ष अघि हमाललाई बालिका माथि यौन दुर्ववहार गरेको आरोप लागेको थियो। २०७७ साल माघ महिनामा उनलाई पुर्पक्षका निम्ति कारागार चलान गरिएको थियो । पछि गत वर्ष २०७७ भदौ महिनामा अर्घाखाँची जिल्ला अदालतबाट उनि निर्दोष ठहरिएपछि सफाई पाएका थिए । भने उनी गत बैशाख महिनादेखि काठमाडौमा बस्दै आएका थिए ।
जेष्ठ ३१ गते, २०७८ मा प्रकाशित
