अर्घाखाँचीडट्कम संवाददाता
दुर्गाफाँट, अर्घाखाँची (अर्घाखाँचीडट्कम) । अर्घाखाँची जिल्लाको पाणिनी गाउँपालिकाको ११ औ गाउँ सभा तथा आर्थिक वर्ष २०७८-७९ को नीति तथा कार्यक्रममा अर्घाखाँचीडट्कमका व्युरो प्रमुख डिआरजी सुमन सम्मानित हुनुभएको छ ।
पाणिनी गाउँपालिकाले अर्घाखाँचीडट्कमका व्युरो प्रमुख डिआरजी सुमनलाई १० हज़ार नगद सहित दोसल्ला तथा करुवाले सम्मानित गरेको हो ।
पत्रकारिता क्षेत्रमा सक्रिय र ठुलो योगदान पुर्याएको भन्दै डट्कमका व्युरो प्रमुखलाई सम्मानित गरिएको थियो । यस्तै अन्य २ जना पत्रकारलाई पनि उक्त कार्यक्रममा सम्मानित गरिएको थियो ।
जिल्लाको एक मात्र प्रमुख, पुरानो मिडिया अर्घाखाँचीडट्कमले लगभग २ दशकदेखि जिल्लाका स्थानिय समाचारलाई निरन्तरता दिदै आएको छ । भने जिल्लाबाट स्थानिय समाचारको एक मात्र प्रमुख स्रोत डट्कम हो ।
आषाढ़ १० गते, २०७८ मा प्रकाशित
