बिष्णु कुमार आले
जुकेना, अर्घाखाँची (अर्घाखाँचीडट्कम) । अर्घाखाँची जिल्लाको शितगंगा नगरपालिका वार्ड नम्बर ५ जुकेनामा चुलोमा कुक्करमा पकाएको भात र दाल चोरी भएको छ ।
जुकेना । फाइल फोटो
जुकेनाको भुमिकाथानका लालमणी पौडेलको चुलोमा पकाएर ढोकाको चुक्कल लगाएको अवस्थामा पाकेको भात र दाल भाडो सहित चोरी भएको हो । घटना सोमबार साँझ भएको थियो ।
बन्दी भान्साघरमा पकाएको दाल, भात चोरी भएको घरधनी लालमणी पौडेलले टेलिफोन मार्फत जानकारी गराएका छन् ।
यस्तो अचम्मको घटना किन घट्यो भन्ने बारे अनुसन्धान भैरहेको जनाईएको छ ।
उता गत वैशाख २१ गते मंगलवारदेखि जारी निषेधाज्ञाका कारण जिल्लाको जनजीवन अत्यन्त कष्टकर भएको छ । बन्दाबन्दी र निषेधाज्ञाका कारण ज्याला मजदुरी गर्ने मानिस माथि नराम्रो असर परेको देखिन्छ । निषेधाज्ञाका कारण सबैको रोजीरोटी र रोजगारी संकटमा पर्दै गएकाले गर्दा व्यवसायी तथा मजदुरहरू समस्यामा परेका छन् ।
आषाढ़ १५ गते, २०७८ मा प्रकाशित
