अराज बेल्बासे | अर्घाखाँचीडट्कम संवाददता
ठाडा, अर्घाखाँची (अर्घाखाँचीडट्कम) । अर्घाखाँची जिल्लामा सुबिसुको ईन्टरनेट सेवामा अबरुद्ध हुँदा बैंकिङ लगायत सम्पूर्ण क्षेत्र अस्तव्यस्त भएको छ ।
जिल्लाको शितगंगा नगरपालिका लगायत अन्य पालिकामा ईन्टरनेट सेवा प्रदायक सुबिसुको सेवामा गएको ४ दिनदेखि अबरुद्ध हुँदा बैक, अस्पताल, सिसिटिभ लगायतका सबै क्षेत्र प्रभावित भएका छन् ।
असार मसान्तकाे बेला ईन्टरनेट नहुँदा सबै क्षेत्र अस्तव्यस्त भएको छ । सुबिसुको सेवा लाइन जाँदा पनि जाने भएकोले सेवाग्राहीहरु वर्षौदेखि समस्या परेका छन् ।
साथै ईन्टरनेट नहुँदा अस्पतालमा बिमाकाे रिफर गर्न समेत समस्या परेको बताइएको छ । लामो समयसम्म ईन्टरनेट नहुँदा सुबिसु केबलनेट प्रा. लि. को कार्यालयमा फाेन गर्दा संपर्क हुन सकेको छैन् ।
आषाढ़ २५ गते, २०७८ मा प्रकाशित
