बिष्णु कुमार आले
ठाडा, अर्घाखाँची (अर्घाखाँचीडट्कम) । पहिरोका कारण अवरुद्ध भएको गोरूसिङगे सन्धिखर्क सडकखण्ड संचालनमा आएको छ ।
गएराती सडक खण्डको शितगंगा १२ बसेरीको आसपासमा पहिरो जाँदा सडक अवरुद्ध भएको थियो । ईलाका प्रहरी कार्यालय ठाडाका प्रहरी प्रमुख, प्रहरी निरिक्षक सन्दिप बेल्बासेको कमान्डमा , प्रहरी सहि सालिकराम खनाल सहित ८ जनाको प्रहरीको टोली र सडक बिभागको अथक प्रयास पछि सडक संचालनमा आएको हो । अहिले सडक सुचारू भएपछि दर्जनौं रोकिएका सवारी साधन , मालवाहक साधन, एम्बुलेन्स लगातका गाडिहरू आफ्नो गन्तव्यमा लागेका छन् ।
लामोदुरी सम्म माथीबाट खसेको पहिरो हटाउन सडक बिभागको एउटा जेसिबीले समय लागेपछि करिव ६ घण्टा पछि सडक संचालनमा आएको हो । माथीबाट पहिरो खसेपछि बिहिवार बिहान ५ बजे देखि सडक अवरुद्ध भएको थियो ।
आषाढ़ ३१ गते, २०७८ मा प्रकाशित
