शितगंगा खबर | अर्घाखाँचीडट्कम संवाददाता
ठाडा, अर्घाखाँची (अर्घाखाँचीडट्कम) । अर्घाखाँची जिल्लाको शितगंगा नगरपालिका वार्ड नम्बर ४ ठाडाको अमराईबाट गाँजा सहित कपिलबस्तुको बुद्धभुमी नगरपालिका १ का ४ जना पक्राउ परेका छन् ।
अमराई
इलाका प्रहरी कार्यालय ठाडाले गस्तिको क्रममा चेकजाँच गर्ने क्रममा उनिहरुलाई ६०० ग्राम गाँजा सहित ४ जनालाई पक्राउ गरेका इलाका प्रहरी कार्यालय ठाडाका प्रहरी निरिक्षक सन्दिप बेल्बासेले जानकारी दिनु भयो ।
अमराईबाट कपिलबस्तु जाँदै गरेका ४ जनालाई २ वटा मोटरसाइकल सहित नियन्त्रणमा लिइ जिल्ला अदालतबाट ७ दिनको म्याद थप गरि इलाका प्रहरी कार्यालय ठाडामा राखिएको छ । उनिहरुमाथी थप अनुसन्धान जारी रहेको प्रहरीले जनाएको छ ।
श्रावण २ गते, २०७८ मा प्रकाशित
