सन्धिखर्क – ८ किमडाँडाका वडाअध्यक्ष ईश्वरी भुसालको स्वास्थ्य अवस्था जटिल, काठमाडौं लगियो

सन्धिखर्क, अर्घाखाँची (अर्घाखाँचीडट्कम) । काेराेना संक्रमित अर्घाखाँची जिल्लाको सन्धिखर्क नगरपालिका वार्ड नं. ८ किमडाँडाका वडाअध्यक्ष ईश्वरी प्रसाद भुसालको स्वास्थ्य अवस्था जटिल भएपछि काठमाडौं लगिएको छ ।

गत हप्ताको अन्त्य तिर काेराेना संक्रमित भएका वडाअध्यक्ष ईश्वरी प्रसाद भुसालको श्वास-प्रस्वासमा समस्या भएपछि बुधवार साझँ ५ बजे हेलिकप्टर मार्फत काठमाडौं लगिएको हो ।

भुसाल संक्रमण भए लगतै साउन ३ गतेदेखि  जिल्ला अस्पताल अर्घाखाँचीको आइसोलेसनमा उपचाररत थिए ।

भुसालको श्वास-प्रस्वासमा समस्या हुनुका साथै स्वास्थ्यमा कुनै सुधार नआएपछि थप उपचारका लागि काठमाण्डाै रिफर गरिएको अस्पतालले बताएको छ ।