केशब घिमिरे
खाँचीकोट, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ७ खाँचीकोटको फुदवाङ्गदेखि डिहिडाँडा चन्द्र प्रभा मार्गको अबरुद्ध सडक संचालनमा आएको छ ।
गत साउन ११ गतेदेखि अबरोध भएको चन्द्र प्रभा मार्ग आज बिहीवारदेखि संचालनमा आएको हो ।
फुदवाङ्ग – खाँचीकोट सडक अन्तरगत फर्ज्यान्ङ्ग खोला आँपका रुख ढल्दा अबरुद्ध भएको थियो ।
फुदवाङ्गबाट डिहिडाँडा चन्द्र प्रभा, खाँची, नरपानी, सुपा देउराली यो बाटोमा रुख ढल्नुका साथै ठाउँ ठाउँमा पहिरो गएको छ । यस्तै खाँचीकोटका सम्पूर्ण सडक वर्षाका कारण हिडडुल गर्न समेत नहुने गरी अस्तव्यस्त भएका छन् ।
यहाँ अहिले एम्बुलेन्स तथा साना-ठुला गाडीहरु आवत जावत हुन सकेका छैनन् । साथै यहाँ कयौ ठाउँमा खाेल्साबाट आएकाे भलका कारण बाटाे बिग्रिएकाे देखिन्छ ।
खाँचीकोटका सडक वर्षा याम होस् कि हिउदमा धुलोले अस्तव्यस्त देखिन्छ । तर पनि स्थानीय जनप्रतिनिधि तथा सम्बन्धित निकायको अहिलेसम्म ध्यान पुग्न सकेको छैन् ।
श्रावण १४ गते, २०७८ मा प्रकाशित
